Motor Vehicle Insurance

دڵنیایی ئۆتۆمبێڵ

داپۆشینەكان:

دڵنیایی زیانەكانی خۆیی ئۆتۆمبێل:

هەر زیانێک بەهۆی ڕووداوی هاتووچۆی ڕێگا بەسەر ئۆتۆمبێڵە دڵنیاكراوەكە هاتبێت.

دڵنیایی شۆفێر و سەرنشینەكان:

برینداربوونی لاشە، مردن یاخود هەر کەمئەندامیەکی هەمیشەیی بەهۆی ڕووداوێکەوە.

دڵنیایی بەرپرسیاریەتی لایەنی سێیەم:

برینداربوون یاخود گیان لە دەستدانی لایەنی سێیەم یاخود زیان كەوتن بە موڵكی لایەنی سێیەم بەهۆی سەرهەڵدانی ڕووداوی هاتووچۆ.

داپۆشینی مەترسیەکان:

مەودای ناوچەیی:

کۆماری عێراق ، پێویستە هەر گەشتێک بۆ دەرەوەی هەرێم بخرێتەڕوو و باس بكرێت لەناو بنەمای تاک داپۆشین.

Motor Vehicle Insurance
Health Insurance Page 2

دڵنیایی تەندروستی

دڵنیایی تەندروستی یان دڵنیایی پزیشکی جۆرێکە لە دڵنیایی کە تەواوی یان بەشێکی ئەو گرفت و مەترسییانە دادەپۆشێت کە کەسێك ناچاری تێچووی پزیشکی دەکات. وەك هەر جۆرێکی دیکەی دڵنیایی، مەترسییە تەندروستییەکانیش تووشی زۆرێك لە کەسەکان دەبنەوە. لە رێگەی خەمڵاندنی کۆی مەترسییەکانی پەیوەست بە مەترسییە تەندروستییەکان و تێچووەکانی سیستمی تەندروستی لە کۆمەڵەی مەترسییەکان (risk pool)، هەر کۆمپانیایەکی دڵنیایی (دەستبەری) دەتوانێت خشتەیەکی رۆتینیی دارایی پێك بهێنێت، وەك قیستی مانگانە یان باجی سەر مووچە، بە مەبەستی دابینکردنی پارەی پێویست بۆ دانی ئەو سوودانەی چاودێریی تەندروستی کە لە رێکەوتنی دڵنیاییەكەدا دیاری کراوە.

کۆمپانیای جیهان بۆ دڵنیایی هاوبەشییەکی لەگەڵ کۆمپانیای سیگڵمیدی پزیشکی (لایەنی سێیەمی بەڕێوەبردن) لە عێراق ئەنجام داوە بۆ ئەوەی یارمەتی بدات لە ئاسانکردنی پرۆسەی داواکردن.

٢٤ کاتژمێر لە رۆژێك و حەوت رۆژ لە هەفتەیەکدا، خزمەتگوزاریی سەنتەری تەلەفۆن بەردەست دەبێت.

پرۆسەکانی داواکردن:

  • پارەدانی راستەوخۆ
  • قەرەبووکردنەوە

دڵنیایی موڵکی بازرگانی

دڵنیایی موڵکی بازرگانی کەلوپەل و سامانە فیزیکییەکانی کۆمپانیاکەت لە ئاگرکەوتنەوە و، تەقینەوە و، تەقینی بۆریییەکان و، تۆفان و، دزی و، کاری تیکدەرانە دەپارێزێت. دڵنیایی موڵکی بازرگانی بە شێوەیەکی ئاسایی رووداوەکانی بومەلەرزە و لافاو ناگرێتەوە، مەگەر ئەوەی کە ئەم مەترسییانە دواتر بۆ سیاسەتەکانی ئەم دڵنیاییە زیاد بکرێن.

Commercial Property Insurance
Personal Accident Insurance

دڵنیایی رووداوی کەسی

مەبەست لە دڵنیایی رووداوی کەسی بۆ ئەوەیە قەرەبوویەکی جێگیر بدات لەبەرانبەر بە مردن یان کەمئەندامبوون بە هۆی پێکان و برینداریی جەستەیی کە بە رووداو روو دەدەن. سیاسەتی دڵنیایی رووداوی کەسی ئەوە دابین دەکات کە کەسی دڵنیاكراو (ئەو کەسەی کە سیاسەتەکەی پەسەند کردووە)، لە هەر کاتێکی ماوەی بەرکاربوونی ئەم سیاسەتە، کاتێك دووچاری هەر جۆرە پێکانێکی جەستەیی دەبێت لە دەرەنجامی رووداوێكی دیاریکراو و راستەوخۆ بە هۆی هۆکارێکی توندوتیژ و بینراوی دەرەکییەوە، ئەوکات کۆمپانیای جیهان بۆ دڵنیایی بڕە پارە یان ئەو چەند بڕە پارەیەی وەك ئەوەی لە سیاسەتەکەدا دیاری کراوە دەدات بە کەسی دڵنیاكراو یان بە نوێنەری یاسایی ئەو کەسە، لە حاڵەتێکدا ئەگەر ئاکامێکی وەك مردن یان پەککەوتنی یەکجاری یان هەر ئاکامێکی لەو جۆرەی لێ کەوتەوە.


کۆمپانیای دڵنیایی پاراستنی ٢٤ کاتژمێری یان پاراستنی تەنها ماوەی کارکردن دەستەبەر دەکات بۆ ئەو کەسانەی لە هەر جێیەکی جیهان کار دەکەن و بە ئەرکێك یان چەند ئەرکێك رادەسپێردرێن.

دڵنیایی گشتیی بەرپرسیاریەتی لایەنی سێیەم

دڵنیایی گشتیی بەرپرسیارێتیی لایەنی سێیەم ئەو بەرپرسیارێتییە یاساییەی پرۆژەیەك یان کۆمپانیایەك دەگرێتەوە بۆ پێدانی قەرەبووی حاڵەتەکانی مردن یان پێکانی جەستەیی بە لایەنە سێیەمەکان، یان لەبری زیانە ماددیەکانی لایەنی سێیەم. هەر قەرەبووکردنەوەیەك لەلایەن کۆمپانیایەکی دڵنیاییەوە لە چوارچێوەی ئەو سنورانەی بەرپرسیارێتی جێبەجێ دەکرێن کە لە لەگەڵ کڕیارەکەدا لەسەری رێكکەوتوون و لە سیاسەتەکانی دڵنیاكردنەوەكەدا دیاری کراوە.

مەترسییە دڵنیاكراوەكان:

سیاسەتی دڵنیایی قەرەبووی ئەو زیانانە دەکاتەوە کە پرۆژە یان کۆمپانیای دڵنیاكراو لە بەرانبەریدا و بە شێوەیەکی یاسایی بەرپرسیار دەبێت بۆ پارەدان بە لایەنە سێیەمەکان.

فراوانکردنی بوارەکانی داپۆشینی دڵنیاكردن:

دەکرێت داپۆشینی پێوەری فراوانتر بکرێت بۆ ئەوەی هەر یەکە لە بەرپرسیارێتیی پیسبوونی لەناکاو و رووداو و، بەرپرسیارێتیی بەرهەمەکان و چالاکییە تەواوکراوەکان و، بەرپرسیارێتیی بارهەڵگر و، ئەو بەرپرسیارێتییانەی کە بە هۆی بەکارهێنان یان گواستنەوەی ماددە مەترسیدارەکانەوە دروست دەبن.

General Third-Party Liability Insurance
Employers Liability Insurance

دڵنیایی بەرپرسیارێتیی خاوەنکار

دڵنیایی بەرپرسیارێتیی خاوەنکار ئەو سیاسەتەی دڵنیاییەیە کە کار بە داوای ئەو کرێکارانە دەکات کە تووشی ئەو پێکان یان نەخۆشییانە بوون کە پەیوەندیدارە بە کارەکەیانەوە و سیاسەتی قەرەبووکردنەوەی کرێکاران نایانگرێتەوە. جۆرێکی دڵنیایی بەرپرسیارێتییە کە دەکرێت بخرێتە چوارچێوەی قەرەبووکردنەوەی کرێکاران بۆ ئەوەی کۆمپانیاکان لەو تێچووانە بپارێزێت کە پەیوەستن بە پێکان، نەخۆشی و مردن لە شوێنی کارەوە.

دڵنیایی گەشتکردن

دڵنیایی گەشتکردن ئەو جۆرەی دڵنیاییە کە مەترسییە جیاوازەکانی کاتی گەشتکردن دادەپۆشێت. خەرجییە پزیشکییەکان و، جانتا وونکردن و، هەڵوەشانەوەی گەشتەکان لە هەر جۆرە حاڵەتی لەناکاو لە وڵاتانی دیکەدا و، هەروەها ئەو جۆرانەی دیکەی زیان و لەدەستدان دەگرێتەوە کە رەنگە گەشتیار لە کاتی گەشتەکەیدا تووشیان ببێت.

Travel Insurance
Money Insurance

دڵنیایی پارە

داپۆشینەکانی دڵنیایی پارە:

پارە لە حاڵەتی گواستنەوەدا:

ئەو پارانەی کەسی دڵنیاكراو یان فەرمانبەری رێگەپێدراوی کەسی دڵنیاكراو دادەپۆشێت لە حاڵەتەکانی گیرفان بڕین، دزی، رێگری و، لێستاندن یان هەر رووداوێکی لەو جۆرە کە بە رێکەوتی دووچاری دەبێت.

پارەی ناو قاسە و خەزێنە:

لەدەستدانی ئەو پارەیە دەگرێتەوە کە لە قاسە یان خەزێنەدایە و بە هۆی روودزوەکانی چەپاوکردن، ماڵبڕین، دزی یان هەڵکوتانەسەر.